Облыстық және оған теңестірілген соттардың оқу орталықтары туралы үлгі ереже




НазваниеОблыстық және оған теңестірілген соттардың оқу орталықтары туралы үлгі ереже
Дата конвертации12.07.2013
Размер56.7 Kb.
ТипДокументы


Қазақстан Республикасы

Жоғарғы Соты Төрағасының

2012 жылғы «02» қарашада

№326 өкімімен

БЕКІТІЛГЕН

Облыстық және оған теңестірілген соттардың

оқу орталықтары туралы үлгі

ЕРЕЖЕ



  1. Жалпы ереже




  1. Осы Облыстық және оған теңестірілген соттардың оқу орталықтары туралы үлгі ереже (бұдан әрі – Ереже) облыстық және оған теңестірілген соттардың оқу орталықтарының (бұдан әрі – облыс сотының оқу орталығы) мәртебесін, негізгі міндеттерін, функциялары мен өкілеттіктерін анықтайды, олардың ұйымдастылуына және қызметіне біріңғай талаптарды белгілейді.

  2. Облыс сотының оқу орталығы облыстық немесе оған теңестірілген сот төрағасының өкімімен құрылады.

  3. Облыс сотының оқу орталығы өз қызметінде «Қазақстан Республикасының сот жүйесі мен судьяларының мәртебесі туралы» Қазақстан Республикасының 2000 жылғы 25 желтоқсандағы Конститутциялық заңын және сот оқуы саласындағы басқа да актілерді басшылыққа алады.




  1. Облыс сотының оқу орталығының міндеттері мен функциялары




  1. Облыс сотының оқу орталығының негізгі міндеттері болып мыналар табылады:

  1. сот төрелеігін жүзеге асырудың сапасын жақсарту мақсатында судьяларды және сот жүйесіндегі қызметкерлерді үздіксіз сот оқуымен қамтамасыз ету;

  2. халықаралық стандарттарды ескере отырып, сот жүйесін одан әрі жетілдіруге жәрдемдесу;

  3. заң ғылымы, білім беру және сот практикасы арасындағы байланыстарды нығайтуға жәрдемдесу.

  1. Облыс сотының оқу орталығының негізгі функциялары болып мыналар табылады:

  1. 2012 – 2016 жылдарға арналған сот оқуы стратегиясын (бұдан әрі – Сот оқуы стратегиясы) іске асыру жөніндегі жыл сайынғы жұмыс жоспарлар әзірлеу;

  2. судьялар мен сот жүйесі қызметкерлерінің оқуға қажеттілігін талдау;

  3. судьялардың қажеттіліктеріне сәйкес олардың республикалық және өңірлік деңгейдегі оқыту іс-шараларына қатысуын қамтамасыз ету;

  4. аудандық, облыстық және оған теңестірілген соттар судьяларының жоғары тұрған соттарда тағылымдамадан өтуге және Қазақстан Республикасы Президентінің жанындағы Мемлекеттік басқару академиясының Сот төрелгі институтында (бұдан әрі – Сот төрелігі институті) біліктілікті арттыру курстарында оқуға қажеттілікті зерттеу;

  5. судьяның тағылымдамаға дейінгі және тағылымдамадан кейінгі кезеңдегі жұмысын салыстырмалы талдау арқылы, оның нәтижелерін жыл қортындылары бойынша кеңестерде талқылап, тағылымдамалардың нәтижелілігіне мониторингті жүзеге асыру;

  6. Сот төрелігі институтында біліктілікті арттыру курстары бойынша оқудан өткен судьялардың оқуға дейінгі және оқудан кейінгі жіберілген қателіктерінің себептерін анықтай отырып, сот актілерінің сапасы туралы деректерге салыстырмалы талдау жасау;

  7. судьялар мен сот жүйесі қызметкерлерінің қашықтықтан оқыту техгологиясының бағдарламаларына қол жеткізуін қамтамасыз ету;

  8. судьялар тарапынан, соның ішінде өзгертілген және күшін жойған сот актілері бар судьялар тарапынан қашықтықтан оқыту технологиясының тиімділігіне баға беруді жүзеге асыру;

  9. оқу іс-шараларын тиімді меңгеруге және іске асыруға ықпал ететін оқу-әдістемелік материалдармен (қағаз және электронды нұсқаларда) оқып-үйренушілерді қамтамасыз ету;

  10. тәлімгерлік бағдарламасының жұмысын ұйымдастыруды үйлестіру және оған әдістемелік көмек көрсету;

  11. жұмыс нәтижелерін талдап, тәлімгер мен жас судьяның есебі арқылы тәлімгерлік бағдарламасының тиімділігін бағалау;

  12. өздігінен оқу, жеке жоспар жасау мәселелерінде судьяларға әдістемелік көмек көрсету және тақырып бойынша материалдар беру;

  13. сот жүйесін дамыту мәселесі жөнінде семинарлар, дөңгелек үстелдер, тренингтер ұйымдастыру және өткізу;

  14. судьяларға көмек ретінде семинарлардың материалдары бойынша жинақтар, оқыту-әдістемелік құралдар, брошюралар, буклеттер шығаруды жүзеге асыру;

  15. судьялардың біліктілігін арттыруға бағытталған өзге де функциялар.



  1. Оқу процесін ұйымдастыру




  1. Облыс сотының оқу орталығы жүргізетін оқу іс-шаралары судьялар мен сот жүйесіндегі қызметкерлердің кәсіби және практикалық білім алуына бағытталады.

  2. Облыс сотының оқу орталығы оқытудың басымды нысандары мен әдістерін анықтайды, оқыту іс-шараларын іске асыру үшін қажетті жағдайлар жасайды.

  3. Оқыту процесі Сот оқуы стратегиясымен, жартыжылдықтарға арналған жұмыс жоспарымен және сот оқуы саласындағы басқа да актілермен реттеледі.

  4. Оқу орталықтарындағы оқыту процесінің мазмұнын және оны ұйымдастыруды анықтайтын негізгі құжаттар болып жұмыс жоспарлары табылады, оларда жеке санаттағы істерді қараудың, іс жүргізу құжаттары жасалуының, заңнаманы зерттеудің ерекшеліктері ескеріледі.

  5. Оқыту іс шаралары судьялардың мамандануы ескеріле отырып, өткізіледі: азаматтық құқық және іс жүргізу, қылмыстық құқық және іс жүргізу, әкімшілік құқық және іс жүргізу.

  6. Облыс сотының оқу орталығында оқыту іс-шаралары мынадай судьяларға есептелген: 3 жылға дейін жұмыс өтілі бар, қылмыстық, азаматтық және әкімшілік істерді қарайтын аудандық соттардың судьялары, сот актілерінің күші жойылған және өзгертілген облыстық соттардың судьялары (алқа, мамандануы бойынша).

  7. Облыс сотының оқу орталығы судьялардың оқудағы қажеттілігін әлеуметтік сауалдың, статистикалық деректердің, сот тәжірибесін қорытындылауды талдаудың, судьялардың жеке ұсыныстары мен басқа да өлшем нысандарының негізінде зерттейді.

  8. Оқыту іс-шаралары дәрістер, дөңгелек үстелдер, конференциялар, семинарлар, тренингтер, тағылымдамалар, тәлімгерлік бағдарламалары, қашықтықтан оқыту технологиясы, жеке оқыту және басқалары арқылы іске асырылады.

  9. Оның құзыретіне жататын алдына қойған міндеттерді іске асыру үшін облыс сотының оқу орталығы тапсырмаларды аудандық (қалалық) және оған теңестірілген соттарға жолдауға құқылы, олар оны орындауға міндетті.

  10. Облыс сотының оқу орталығы оқыту процесінде үйлестіру және анықтамалық материалдарды бере отырып, ролдік ойындар, топтағы жұмыс, пікірталас, тренингтер, талқылаулар, техникалық құралдар – Power Point сияқты интерактивті әдістерді және т.б. қолдануы мүмкін.

  11. Оқытуды мамандануы бойынша жеткілікті сот тәжірибесі бар облыстық соттардың судьялары, аудандық және оған теңестірілген соттардың судьялары, жоғары оқу орындарының оқытушылары арасынан дәріс оқушылары, сонымен қатар мемлекеттік органдардың және басқа ұйымдардың өкілдері өткізеді.

  12. Ақпарат көздерін және өз бетімен оқу тетігін (мерзімдік басылымдар, қашықтықтан оқыту технологиясы, сот практикасын қорытындылау, санаттағы істер жөніндегі сот шешімдері, кітаптар және басқа да материалдар) кеңейту және қол жетімді ету арқылы облыс сотының оқу орталығы судьяларға өз бетімен оқуға әдістемелік көмек көрсетеді.

  13. Облыстық сотының оқу орталығы қашықтықтан оқыту технологиясын қамтамасыз етуге қатысады, ол бейнеконференц-байланыс арқылы жүргізіледі де оқытудағы өзара әрекеттесудің процесін нақты уақытта көздейді (дәріс оқушының аудиториямен сөйлесуі).

Бейнедәріс басталуына дейін (10 күн бұрын) оқу орталықтары Жоғарғы Сотқа дәрістің тақырыбы бойынша сұрақтар және көрсетілген санаттағы істер бойынша мамандандырылған судьялардың тізімі ұсынылады.



  1. Қорытынды ережелер




  1. Облыс сотының оқу орталығына жалпы басшылықты оқу бағдарламаларын үйлестіруші – облыстық сотының судьясы жүзеге асырады.

  2. Облыс сотының оқу орталығы қызметінің материалдық-техникалық қамтамасыз етуін облыстық және оған теңестірілген соттың кеңсесі жүзеге асырады.

  3. Облыс сотының оқу орталығының қызметі Қазақстан Республикасының Судьялар одағымен, Сот төрелігі институтымен, Қазақстан Республикасының Жоғарғы Соты жанындағы Соттардың қызметін қамтамасыз ету департаментімен тұрақты өзара әрекеттесуге негізделеді.

  4. Облыстық және оған теңестірілген соттың төрағасы облыс сотының оқу орталығының, судьялардың (дәріс оқушылардың), соның ішінде әр түрлі конкурстардың қорытындылары бойынша – үздік тәлімгер, үздік дәріс оқушы, үздік тағылымдаманың жетекшісі, үздік маман және т.б. бойынша жұмыстарын ынталандыруға бағытталған шаралар қолданады.


_______________________



Похожие:

Облыстық және оған теңестірілген соттардың оқу орталықтары туралы үлгі ереже icon«Қазақстан Республикасы сот органдарының бірыңғай автоматтандырылған ақпараттық талдау жүйесі» бағдарламасы бойынша облыстық және оған теңестірілген соттарда іс қағаздарын электрондық тәсілмен жүргізу жөніндегі нұсқаулық
Осы Нұсқаулық Қазақстан Республикасының облыстық және оған теңестірілген сотының кеңсесінде (бұдан әрі сот) іс қағаздарын жүргізуді...
Облыстық және оған теңестірілген соттардың оқу орталықтары туралы үлгі ереже iconАудандық және оған теңестірілген соттар судьяларының 2011 жылғы қаңтар-ақпан айларындағы жүктемесі туралы
Ағымдағы жылғы қаңтар–ақпан айларында республиканың аудандық және оған теңестірілген соттары (бұдан әрі – аудандық (қалалық) соттар)...
Облыстық және оған теңестірілген соттардың оқу орталықтары туралы үлгі ереже iconМемлекеттік мұРАҒаты аудандық ЖӘне оларға теңестірілген соттардың ҚҰжаттарына ғылыми-техникалық ӨҢдеу жүргізу бойынша әдістемелік кеңестер
Аудандық ЖӘне оларға теңестірілген соттардың ҚҰжаттарына ғылыми-техникалық ӨҢдеу жүргізу бойынша әдістемелік кеңестер
Облыстық және оған теңестірілген соттардың оқу орталықтары туралы үлгі ереже iconБекітілген аудандық, облыстық және оларға теңестірілген соттар судьяларының жоғары тұрған соттарда тағылымдамадан өту
Блыстық және оларға теңестірілген соттар судьяларының жоғары тұрған соттарда тағылымдамадан өту қағидасы (бұдан әрі – Қағида) «Қазақстан...
Облыстық және оған теңестірілген соттардың оқу орталықтары туралы үлгі ереже iconТехникалық және кәсіптік білімнің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережесі
Рі – Ереже «Білім туралы» Қазақстан Республикасының 2007 жылғы 27 шілдедегі Заңына сәйкес меншік нысаны және ведомстволық бағыныстылығына...
Облыстық және оған теңестірілген соттардың оқу орталықтары туралы үлгі ереже iconАҚТӨбе облыстық білім басқармасы
Заман талабына сай нормативтік құжаттар мен оқу-педагогикалық іс қағаздарының жазылуы және оған қойылатын талаптар туралы жазылған....
Облыстық және оған теңестірілген соттардың оқу орталықтары туралы үлгі ереже iconДиссертация туралы ереже астана, 2008
Магистрлік диссертация туралы осы Ереже Қазақстан Республикасының 2007 жылғы 27 шілдедегі «Білім туралы» Заңына, сондай-ақ Қазақстан...
Облыстық және оған теңестірілген соттардың оқу орталықтары туралы үлгі ереже icon«мен – Қазақстанның азаматымын» оқушылардың азаматтық білімі бойынша облыстық байқауы туралы ереже
Бұл ереже «Мен – Қазақстанның азаматымын» Республикалық байқау-сайысының дәрежесін, мақсат, міндеттерін көрсетеді. Ұйымдастырушылары...
Облыстық және оған теңестірілген соттардың оқу орталықтары туралы үлгі ереже icon2010/2011 оқу жылындағы Леонард Эйлер Олимпиадасы туралы ереже жалпы ережелері 1
Олимпиада – осы Ереженің 1 және 2 тармақшаларына сай келетін, Ресей Федерациясының оқу орындарында оқитын оқушыларына арналған математикалық...
Облыстық және оған теңестірілген соттардың оқу орталықтары туралы үлгі ереже iconБатыс Қазақстан облыстық Әділет департаментімен 2012 жылғы 8 мамырында Нормативтік құқықтық
«Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік...
Разместите кнопку на своём сайте:
kk.convdocs.org



База данных защищена авторским правом ©kk.convdocs.org 2012-2019
обратиться к администрации
kk.convdocs.org
Главная страница