«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив»




Скачать 451.69 Kb.
Название«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив»
страница1/3
Дата конвертации02.01.2013
Размер451.69 Kb.
ТипДокументы
  1   2   3


«Локомотив»

акционерлік қоғамы мен оның еңбек ұжымы

арасындағы 2012 – 2014 жылдарға арналған

ҰЖЫМДЫҚ ШАРТ
Бірге Тараптар деп аталатын, «Локомотив» акционерлік қоғамының атынан «Локомотив» акционерлік қоғамының Президенті (бұдан әрі – Жұмыс беруші) және «Локомотив» акционерлік қоғамы қызметкерлерінің өкілі – «Қазақстан Республикасы теміржолшыларының кәсіптік одағы» қоғамдық бірлестігі (бұдан әрі – Кәсіподақ) атынан Кәсіподақ төрағасы төмендегі туралы осы ұжымдық шартты жасасты.
І бөлім.

Жалпы ережелер
1. «Локомотив» акционерлік қоғамы мен оның еңбек ұжымы арасындағы ұжымдық шарт (бұдан әрі – Шарт) Қазақстан Республикасының Еңбек кодексі (бұдан әрі – Еңбек кодексі), «Кәсіптік одақтар туралы» Қазақстан Республикасы Заңының, өзге де нормативтік құқықтық актілердің, сондай-ақ Әлеуметтік-экономикалық мәселелер жөніндегі 2012- 2014 жылдарға арналған салалық тарифтік келісім негізінде жасалды.

2. Шарт әлеуметтік-еңбек қатынастарын реттейтін құқықтық акт болып табылады, Тараптардың тең құқықтары және мүдделерін сыйлау қағидаттарын негізге ала отырып жасалды, «Локомотив» акционерлік қоғамының (бұдан әрі – Қоғам) тиімді жұмысын, қызметкерлер мен жасы немесе денсаулық жағдайымен зейнеткерлік демалысқа шығуына байланысты теміржол көлігі ұйымдарымен еңбек қатынастарын тоқтатқан және Қоғамның есебінде тұрған зейнеткерлердің (бұдан әрі - Қоғам зейнеткерлері), сондай-ақ жасы бойынша салалық жәрдем ақы алушылардың (бұдан әрі – жасы бойынша жәрдем ақы алушылар) әлеуметтік-экономикалық және құқықтық кепілдіктерін қамтамасыз етуге бағытталған.

3. Шарт қызметі кезеңінде қабылданған қызметкерлердің жағдайын жақсартатын заңдар мен басқа да нормативтік актілер, күшіне енгеннен бастап Шарттың тиісті шарттарының әрекеттерін кеңейтеді.

Қызметкерлердің жағдайын нашарлататын нормативтік актілер күшіне енген жағдайда егер ол Қазақстан Республикасының заңнамасына кедергі келтірмесе Шарттың келісімдері өздерінің күштерін сақтайды.

4. Шартпен салыстырғанда қызметкерлердің жағдайын нашарлататын Жұмыс берушінің, сондай-ақ Қызметкерлердің өкілінің келісімісіз (егер ол келісім Шартпен көзделген болса) қабылданған нормалық актілер қолданысқа жатпайды.

5. Шарт 2012-2014 жылдарға арналып жасалды және 2012 жылғы 1 қаңтардан бастап күшіне енеді.

6. Шарттың күші:

1) Жұмыс берушіге;

2) Қоғам қызметкерлеріне;

3) босатылған сайланбалы және штаттық кәсіподақ қызметкерлеріне;

4) жасы бойынша зейнеткерлікке шыққан локомотив шаруашылығының бұрынғы қызметкерлеріне (Бұдан әрі - Қоғам зейнеткерлері), атап айтқанда жекеленген жеңілдіктер мен кепілдіктер көзделгендерге;

5) Қоғамның жасы бойынша салалық жәрдем ақы атап айтқанда Шарттың 16 тармағының 1), 2), 3), 5), 7), 20) тармақшаларымен көзделген жеңілдіктер мен кепілдіктер алушы бұрынғы қызметкерлеріне қолданылады.

Зейнеткерлер, соның ішінде «Құрметті теміржолшы» белгісімен марапатталған зейнеткерлер үшін осы Шартпен жеңілдіктер мен кепілдіктердің жеке түрлері көзделген.

8. Осы Шарттың ережелері еңбекке ақы төлеу, әлеуметтік кепілдіктер мен өтемақылық төлемдер бөлігінде Қоғамның орталық аппаратының қызметкерлеріне таратылмайды.

9. Шарттың ережелері Тараптардың басшылыққа алуы мен орындауы үшін міндетті болып табылады. Тараптардың ешқайсысының Шарттың кез келген тармағын бір жақты өзгертуге немесе іс-әрекетін тоқтатып қоюға құқығы жоқ.

10. Шартқа өзгерістер мен толықтырулар Тараптардың жалпы келісімі бойынша енгізіледі. Тараптардың біреуінің келіссөздерді бастау туралы талабы екінші Тарап үшін міндетті болып табылады. Шартқа енгізілетін барлық толықтырулар мен өзгерістерді Жұмыс беруші мен Кәсіподақ өкілдерінің ішінен құрылатын комиссия (бұдан әрі – Комиссия) қарайды, Шарттың ажыратылмас бөлігі болып табылатын және онымен тең заңдық күші бар, Тараптар қол қоятын қосымша келісіммен ресімделеді.

11. Шарттың ережелерін түсіндіру Тараптардың өзара келісімі бойынша жүзеге асырылады.

12. Қоғамның қайта ұйымдастырылуы кезеңінде Шарт жаңасы жасалғанға дейін өз іс-әрекетін сақтайды.

ІІ бөлім.

Еңбекті ұйымдастыру және нормалау,

еңбекақы мен жұмыс уақыты
13. Жұмыс беруші:

1) еңбекке ақы төлеудің ең аз кепілдіктері ретінде:

жұмысшылар үшін – жұмысшылардың еңбегіне ақы төлеу жөніндегі тарифтік тордың тарифтік коэффициенттері және Қоғамдағы еңбекке ақы төлеудің белгіленген ең аз мөлшері негізінде белгіленген тарифтік ставкалар мен жалақыларды;

біліктілік разрядтары бойынша тарифтелетін техниктер мен қызметшілер үшін, - қызметшілер мен техниктердің еңбегіне ақы төлеу жөніндегі тарифтік тордың және Қоғамдағы еңбекақы төлеудің белгіленген ең аз мөлшері негізінде белгіленген лауазымдық жалақыларды;

филиалдардың басшылары мен мамандары үшін лауазымдық жалақылар схемасының негізінде белгіленетін лауазымдық жалақыларды қолдануға, негізгі қызмет қызметкерлеріне еңбекақы төлеу ережесін Кәсіподақпен келісімдеуге;

Қоғамның – «Илецк пайлану локомотив депосы филиалының қызметкерлері үшін тарифтік ставкаларды (жалақыларды) рубльмен белгілеуге;

2) жұмысшылар мен қызметшілерді тарифтеуді және оларға біліктілік разрядтары мен санаттарын беруді жұмысшылардың жұмыстары мен кәсіптерінің қолданыстағы тарифтік-біліктілік анықтамалықтары бойынша Кәсіподақтың келісімімен жүргізуге;

Қызметшілердің еңбегіне ақы төлеуге арналған разрядтарды тиісті лауазымдардың біліктілік сипаттамаларының талаптарына және лауазымдық жалақылардың белгіленген схемасына сәйкес белгілеуге;

3) егер бұл кәсіп үшін арнаулы оқыту талап етілмесе, мамандықты игеру кезеңінде кәсібі және жұмыс стажы жоқ қызметкерге ол қабылданып отырған кәсібі бойынша 1-разряд белгілеуге;

4) қызметкерлерге Қосымша ақылар белгіленетін ауыр, ыстық және қауіпті жұмыстармен, еңбек жағдайлары зиянды жұмыстармен және еңбек жағдайлары ерекше зиянды ерекше ауыр жұмыстармен айналысатын жұмысшылар кәсіптерінің тізбесіне (1-қосымша) сәйкес жұмыс орындарын аттестациялау нәтижелері бойынша тарифтік ставкаларға (жалақыларға) сараланған қосымша ақылар белгілеуге;

Қазақстан Республикасы Еңбек және халықты әлеуметтік қорғау Министрінің 2007 жылғы 31 шілдедегі №182-п бұйрығымен бекітілген Еңбек жағдайлары зиянды (ерекше зиянды) және (немесе) ауыр (ерекше ауыр), қауіпті (ерекше қауіпті) жұмыстарда істеген адамдарға жыл сайынғы ақылы қосымша еңбек демалысына және жұмыс уақытының ұзақтығын қысқартуға құқық беретін өндірістердің, цехтардың, кәсіптер мен қызметтердің тізіміне сәйкес, Еңбек жағдайлары зиянды және ауыр, қауіпті жұмыстарда істеген адамдарға қосымша демалыс пен қысқартылған жұмыс күніне құқық беретін өндірістер, цехтар, кәсіптер мен қызметтер тізбесіне (2-қосымша) сәйкес қосымша демалыстар беруге;

5) еңбек нормаларын (өнімділік, уақыт, қызмет көрсету және қызметкерлер саны) енгізуді және қайта қарауды қол жеткізілген техника, технология, еңбек өндірісін ұйымдастыру деңгейін ескере отырып жүргізуге, тиісті сайланбалы кәсіподақ органымен келісім бойынша қолданылатын нормативтік материалдардың (салааралық, ведомстволық, салалық, жергілікті) тізбесін, сондай-ақ оны енгізу, әзірлеу және қайта қарау мерзімдерін белгілеуге;

6) ауыр жұмыстарда, зиянды жұмыстарда (темір жол саласындағы ерекше зиянды, қауіпті еңбек жағдайында) істеген адамдардың еңбегіне төленетін ақының ең аз стандартын Қазақстан Республикасының тиісті қаржылық жылға арналған республикалық бюджеті туралы Заңымен белгіленген айлық еңбекақының ең аз мөлшері және Қазақстан Республикасының Үкіметі бекіткен арттырушы коэффициенттер (1,05-тен 1,25 шегінде) есебінен белгілеуге;

қызметкерлердің тарифтік ставкалары мен жалақыларын Тараптардың келісімі бойынша нақты қаржылық-экономикалық мүмкіндіктерге қарай белгіленген коэффициенттерді ескере отырып қайта есептеуге;

7) Қазақстан Республикасының нормативтік құқықтық актілерімен тиісті кезеңге белгіленген инфляция деңгейіне қарай, Тараптардың келісімі бойынша еңбекақының жылына кем дегенде бір рет арттырылуын жүргізуге;

8) Қоғамның қызметкерлеріне есептіден кейінгі айдың 10-ына дейін еңбекақы төленуін қамтамасыз етуге;

9) Еңбек шартын бұзу кезінде қызметкерге тиесілі барлық сомалардың төленуін оны тоқтатқаннан кейін үш жұмыс күнінен кешіктірмей жүргізуге;

10) қызметкерлер шарттық қатынаста тұрған жинақтаушы зейнетақы қорларына міндетті зейнетақы жарналарының дер кезінде аударылуын қамтамасыз етуге;

11) қызметкерлерге Жұмыс берушінің актілеріне сәйкес тарифтік ставкаларға (жалақыларға) қосымша ақылар мен үстемелер төлеуді Кәсіподақ филиалының келісімі бойынша жүргізуге:

а) қосымша ақылар:

* кәсіптерді (лауазымдарды) қоса атқарғаны үшін;

* қызмет көрсету аймағын кеңейткені немесе жұмыс көлемін ұлғайтқаны үшін;

* уақытша жоқ қызметкердің міндеттерін негізгі жұмысынан босатусыз орындағаны үшін;

* бригаданы басқарғаны үшін (негізгі жұмыстан босатылмаған, жұмысшылар ішінен тағайындалатын бригадирлерге);

б) үстемелер:

  • (жұмысшыларға) жоғары кәсіби шеберлігі үшін;

  • (басшыларға, мамандар мен қызметшілерге) еңбекте қол жеткізген жоғары жетістіктері үшін;

  • аса маңызды жұмысты орындағаны үшін оны өткізу мерзіміне (басшыларға, мамандарға, қызметшілерге);

  • «Кәсібі бойынша үздік» атағы үшін;

  • «Құрметті теміржолшы» белгісімен марапатталған қызметкерлерге тарифтік ставканың (жалақылардың) кем дегенде 10 пайызы;

  • ай сайын еңбек сіңірген жылдары үшін.

аталған қосымша ақылар мен үстемелерді, егер оларды белгілеу мерзімі көрсетілмесе, еңбекке ақы төлеу қоры мен жұмыс көлеміне қарай, жыл сайын қайта қарап отыруға;

басшылардың штаттық орынбасарларына уақытша жоқ басшылардың міндеттерін орындағаны үшін қосымша ақы төлеуді жүргізбеуге;

12) Кәсіподақ филиалымен келісілген, Жұмыс берушінің актілеріне сәйкес қызметкерлерді моральдық және материалдық ынталандыру түрлерін қолдануға;

13) еңбекақыны есептеген кезде аудандық коэффициенттерді, шөлейт және шөл жерлердегі жұмыс коэффициенттерін мыналар үшін:

  • кластығы;

  • кәсіби шеберлігі;

  • бригаданы басқарғаны;

  • зиянды еңбек жағдайлары;

  • кәсіптерді қоса атқарғаны;

  • түнгі және мерзімнен тыс сағаттар үшін қосымша ақылар мен үстемелерді ескере отырып, нақты орындалған жұмыс үшін айлық тарифтік ставкаға (жалақыға) есептеуге;

14) Қоғам қызметкерлерінің барлық санаттарына күнтізбелік кезеңге сыйақылардың келесі түрлерін көздеуге:

- тоқсан жұмысының қорытындысы бойынша;

- бір жылға (еңбек төлеуге бөлінген қаражаттарды үнемдеу есебінен);

- бұдан басқа, еңбек төлеуге бөлінген қаражаттар шегінде, бекітілген алты ЕТЖК-дан (Қазақстан Ресупбликасының тиісті жылға арналған республикандық бюджет туралы заңымен бекітілген – ең төмен жалақы көлемі) аспайтын көлемде Қазақстан Республикасының Тәуелсіздік күніне, сондай-ақ кәсіби мейрам – Қазақстан Республикасының Көлік және байланыс жұмысшысы күніне қарсы бір жолғы сыйақы төлеу. Сыйақы төлеу келесі санаттағы қызметкерлерді:

а) жүктілік және босану, сондай-ақ тікелей перзентханадан бала асырап алу жөніндегі демалыстағыларды;

б) жалақы төлеусіз бала бағу, ол Қазақстан Республикасының әрекеттегі нормативтік құқықтық актілерімен бекітілген жасқа дейін қосымша демалыстағыларды;

в) қызметкер өтінішінің негізінде тараптардың келісімі бойынша жалақы төлеусіз демалыстағыларды алып тастағанда Қоғам филиалдарында сыйықы төлеу туралы бұйрық шыққан датада штатта тұрған қызметкерлерге сыйақы төлеуге;

15) сыйақыны есептеу үшін кезекті еңбек демалысындағы (жұмыс күндері) уақыт, іс-сапарда (соның ішінде біліктілігін жоғарылату курсында болу), оқу демалысына болу кезеңі нақты атқарған жұмыс уақытына енгізуге;


16) қызметкерлердің еңбекақысын есептеген кезде мыналарды:

а) аудандық коэффициенттерді, шөлді, сусыз жерлердегі жұмыс коэффициенттерін (3-қосымша);

б) экологиялық қолайсыз және радиациялық қауіп-қатер аудандарда тұрғаны үшін қосымша ақыны (4-қосымша) қолдануға;

Арал өңіріндегі экологиялық қолайсыз аудандарда тұрғаны үшін төленетін қосымша ақыларды есептеуді поездар қозғалысына тікелей қатысы бар жұмысшылар үшін белгіленген 1-разрядтың сағаттық тарифтік ставкасын негізге ала отырып жүргізуге;

17) еңбектің аса қиын жағдайлары, қатал климат жағдайлары үшін:

Қоғамның «Ақтөбе пайдалану локомоив депосы», «Илецк пайдалану локомоив депосы», «Атырау пайдалану локомоив депосы», «Маңғыстау пайдалану локомоив депосы», «Қызылорда пайдалану локомоив депосы», «Орал пайдалану локомоив депосы», «Сексеуіл пайдалану локомотив депосы», «Қандыағаш пайдалану локомотив депосы», «Мақат пайдалану локомоив депосы», «Жем пайдалану локомоив депосы» филиалдарының шекараларында, «Әйтеке би станциясынан» (қоспағанда) «Арқа станциясына» (қосқанда) дейінгі учаскелерде, Қоғамның «Қостанай пайдалану локомотив депосы» филиалының Никелтау станциясы шекараларында өздеріне тән жұмыстарды орындайтын жұмысшыларға және қызметшілерге тарифтік ставкаларға (жалақыларға) 20 пайыздық үстеме есептеуге;

Екібастұз-1, Екібастұз-2 станцияларында және оларға іргелес Қоғамның «Павлодар пайдалану локомотив депосы» филиалының бөлек пункттерінде (ГРЭС-1, ГРЭС-2, Ақбидайық және басқалары) және Қоғамның «Атырау пайдалану локомотив депосы» филиалының Атырау, Ақжайық станцияларындаында өздеріне тән жұмыстарды орындайтын жұмысшыларға және қызметшілерге тарифтік ставкаларға (жалақыларға) 30 пайыздық үстеме есептеуге;

Достық станциясында жұмыс істейтін жұмысшылар ставкаларына (жалақыларына) 30 пайыздық үстеме есептеуге»;

Аталған үстемені поездар қозғалысына тікелей қатысы бар жұмыстарда қолдануға.

18) белгіленген регламентке сәйкес арнаулы үзілістер беріп, жұмысты аса қиын метеорологиялық жағдайлар (аяз, бұрқасын, қар басу, қапырық) кезінде үнемі ашық ауада орындап, мерзімдік еңбек ақы алатын жұмысшыларға тарифтік ставкаларды (жалақыларды) 15 пайызға көтеруге, келісімдік еңбек ақы алатын жұмысшыларға белгіленген өндірім нормаларын:

ауаның температурасы минус 25 градус (Цельсия бойынша) және төмен болған кезде;

ауаның температурасы 10 градустан (Цельсия бойынша) төмен болып, бұрқасын мен қардың басып кетуіне алып келетін қар жау кездерінде;

ауаның температурасы плюс 35 градустан (Цельсия бойынша) жоғары болған кезде 15 пайызға төмендетуге;

Жоғарыда аталған еңбекке ақы төлеу және нормалау шарттарын қолдануды тиісті актілермен ресімделген метеорологиялық мәліметтер деректерінің негізінде, ұзақтығы жұмыс ауысымының 2/3-інен асатын жұмыстарды ашық ауада орындаудың нақты күндері үшін жүргізуге;

19) 9-а және 9-б-нысандағы провизиялық билеттердің, 5-нысандағы билет-карточкалардың, 10-нысандағы консультативтік билеттердің және жеңілдікпен отын алумен қамтамасыз етудің жойылуына байланысты мыналарда тұратын және жұмыс істейтін қызметкерлерге:

5-класс станцияларында, разъездер мен озу пункттерінде – 2 айлық есептік көрсеткіш мөлшерінде;

4-класс станцияларында – 1,5 айлық есептік көрсеткіш мөлшерінде;

3-класс станцияларында – 1 айлық есептік көрсеткіш мөлшерінде ай сайын қосымша ақы белгілеуге;

егер қызметкер жоғарыда аталған станциялардың біреуінде тұрып, екіншісінде жұмыс істесе, үстемені оның тұратын жері бойынша белгілеуге;

оның құнына тасымалдау жөніндегі шығыстар енгізілуі тиіс отын (тұрмыстық көмір) сатып алуды Жұмыс беруші Қоғам Басқармасының шешімі бойынша қызметкерлерге, сондай-ақ 3, 4, 5-класты станцияларда тұратын зейнеткерлерге кейіннен жұмсаған сомаларын өтеумен жүзеге асыруға;

20) қызметкерлерге мерзімнен тыс жұмыс сағаттарына, соның ішінде жұмыс уақытын жинақтап есепке алған кезде, кем дегенде бір жарымдық мөлшерде төлеуге;

әрекеттегі еңбек заңнамасына сәйкес еңбек жағдайлары аса қауіпті және аса зиянды жұмыстарда мерзімнен тыс жұмыс сағаттарына жол бермеуге;

қызметкердің кінәсінен емес жұмыссыз тұру уақытына орташа айлық еңбекақының 50 пайызынан төмен болмайтын есеппен төлем жасауға, қызметкердің өміріне немесе денсаулығына қауіп төндіретін жағдай пайда болған кезде (мұндай жағдай Қоғамның арнаулы еңбекті қорғау қызметтерімен, даулы жағдайларда – Мемлекеттік еңбек инспекциясымен расталған кезде) оған бұзушылықтарды жою үшін қажет болған барлық кезеңге орташа еңбекақы төлеуге (қызметкердің кінәсінен жұмыссыз тұрған уақытқа төлем жасалмайды). Әрекетсіз кезекшілікке Жұмыс берушінің Кәсіподақпен келісілген актілеріне сәйкес төлем жасауға;

21) жүру жолы бойында орын ауыстырумен немесе жұмыстарды орындаумен байланысты, учаскелер шегіндегі тұрақты орындалатын жұмыстың жүріп-тұру сипаты үшін қызметкерлерге еңбек шартымен белгіленген үстеме төлеуге (5-қосымша);

22) негізгі жұмысынан босатылмаған, олардың келісімі бойынша Қоғамның филиалдар басшыларының бұйрығымен жұмысшыларды оқытуға тартылған білікті жұмысшыларға қабылданған немесе ауыстырылған бір қызметкерді оқыту жөніндегі жұмысы үшін (әр ай сайын) тарифтік ставканың (жалақының) 20 пайызы мөлшерінде төлеуге;

23) Жұмысберуші қызметкерді ішкі нормативтік құжаттарға сәйкес берген грант шеңберінде күндізгі оқу нысаны бойынша магистратура, аспирантура және докторантура (PhD) бағдарламалары бойынша оқуға жіберген кезде қызметкерге жалақы төлеусіз демалыс, сондай-ақ Жұмысберушінің ішкі нормативтік құжаттарымен көзделген басқа да кепілдіктер беруге;

Біліктілігін көтеру курстарына, соның ішінде Қазақстан Республикасынан тысқары жерлерге де жіберген кезде қызметкерге купелік вагонда жол жүру, жатақханада тұру (егер тұру құны оқыту құнына енгізілмесе) жөніндегі шығыстарын және оқу орнына жету уақытына белгіленген мөлшерде тәуліктік ақы төлеуге;

біліктілігін көтеру курстарында оқудан немесе қайта даярлаудан өткен кезде қызметкерге бұрынғы жұмыс орнын (лауазымын) және орташа еңбекақысын сақтауға;

біліктілігін көтеру курстарында және Компания филиалдары – Темір жол көлігі қызметкерлерінің оқу орталықтарында өндірістен қол үзіп оқыған кезде басқа жерлерден келген тыңдаушыларға оқудың алғашқы айына іссапарлар бойынша қолданыстағы актілер бойынша қосымша тәуліктік шығыстар төлеуге;

курстарда бір айдан артық болған кезде әрбір келесі ай үшін Қазақстан Республикасында белгіленген ең төмен еңбекақы мөлшерінде қосымша стипендия белгілеуге:

(Кәсіби дайындық, қайта даярлау және біліктілігін көтеру аяқталғаннан кейін оқушы Жұмыс берушіде оқу шартында тараптармен келісілген мерзімде жұмыс істеуге міндетті.

Еңбек шарты қызметкердің кінәсінің салдарынан қызметкердің бастамасы бойынша немесе Жұмыс берушінің бастамасы бойынша бұзылған кезде, қызметкер оны оқытуға байланысты шығындарды жұмыс істеудің істелмеген мерзіміне пара пар мөлшерде қайтаруға міндетті);

24) Қазақстан Республикасының заңнамасына сәйкес жұмыс уақытының бірыңғай ұзақтығын қамтамасыз етуге (нақты жұмыс режимдері кәсіподақ комитетімен келісім бойынша Ішкі еңбек тәртібі ережесімен белгіленеді);

25) Қоғамның «Илецк пайдалану локомотив депосы» филиалдарының қызметкерлеріне демалыс және мерекелелік күндерді олардың орналасқан елдерінің заңнамасына сәйкес беруді қамтамасыз етуге;

26) күнделікті жұмыс (жұмыс ауысымы) ішінде қызметкерге демалу мен тамақ ішу үшін жарты сағаттан кем емес бір үзіліс беруге міндетті;

27) жұмыс істейтін 1 және 2-топ мүгедектеріне Қазақстан Республикасының заңнамасына сәйкес қысқартылған жұмыс күнін және жыл сайын он бес күннен кем емес ақы төленетін қосымша демалыс белгілеуге;

28) үздіксіз тасымалдау процесіне, поездар қозғалысының қауіпсіздігіне және жолаушыларға қызмет көрсетуге қатысты жұмыстарда жұмыс уақытын жинақтап есепке алуды айдың есептік кезеңімен қолдануға, үздіксіз тәулік бойы ауысымдық жұмыстағы қызметкерлер үшін 12 сағаттық ұзақтықтағы кезекшіліктердің төрт ауысымдық графиктерін қолдануға (жұмыс және демалыс графигі қызметкерлерге оны енгізуден бұрын кем дегенде бір ай бұрын жариялануы тиіс);

29) жұмыс берушінің бастамасы бойынша демалыс және мереке күндері жұмысты орындау үшін қызметкерлерді олардың келісімімен және жұмыс берушінің актісінің негізінде тартуға;

демалыс және мереке күндеріндегі жұмысқа қосарланған мөлшерде төлем жасауға немесе қызметкердің тілегі бойынша дараланған мөлшерде төлем жасап, қосымша демалыс күнін беруге;

30) үздіксіз тәулік бойы ауысымдық жұмыстағы қызметкерлер үшін мұсылман күнтізбесі бойынша Құрбан-айттың бірінші күнін, 7 қаңтар – Рождество күнін жалпы демалыс күндері ретінде есептеуге;

көрсетілген күндері жұмыс істегендерге Шарттың 13 тармағының 29) тармақшасына сәйкес төлем жүргізуге;

31 кәсіподақ комитеті филиалының келісімі бойынша еңбекке ақы төлеудің жоспарлы қоры есебінден және шектерінде айрықша маңызды және жауапты жұмыстармен айналысатын жекеленген біліктілігі жоғары жұмысшыларға тарифтік ставкалардың орнына айлық жалақылар белгілеу құқығын беруге;

32) қызметкерлерге жұмыс орнын (лауазымын) сақтау арқылы төмендегі ұзақтығы белгіленген жыл сайынғы ақылы еңбек демалысын:

жұмысшыларға – 24 күнтізбелік күн;

басшыларға, мамандарға, қызметшілерге - 24, 28, 30 күнтізбелік күн беруге (6-қосымша);

демалыстарды беру кезектілігін өндірістік процесті ескере отырып, кәсіподақ органдарымен келісіп, бекітілген график бойынша белгілеуге, қызметкерді еңбек демалысынан шақыртып алған жағдайда (оның келісімі бойынша) еңбек демалысының, соның ішінде қосымша демалыстың пайдаланылмаған күндерін ағымдағы жылдың басқа уақытында беруге немесе келесі жұмыс жылының еңбек демалысына қосуға не болмаса өтемақы төлеуге, жыл сайынғы еңбек демалысын төлеуді оның басталуынан бұрын үш күнтізбелік күннен кешіктірмей жүргізуге;

33) қызметкерлерге тиісті құжаттар берілген жағдайда төлем жасалатын қосымша демалыстар беруге;

а) оларда жұмыс істеу қосымша демалысқа және қысқартылған жұмыс күніне құқық беретін Еңбек жағдайлары зиянды және ауыр, қауіпті өндірістердің, цехтардың, кәсіптер мен лауазымдардың тізбесіне сәйкес еңбек жағдайлары зиянды жұмыс үшін;

б) экологиялық апат аймақтарында тұрғаны үшін;

в) темір жол көлігі ұйымдарындағы жұмыс өтілі үшін, үш жылдан артық - әрбір келесі жыл үшін 2 күннен, бірақ 6 (алты) күнтізбелік күннен артық емес;

г) өндірістен қол үзбей темір жол көлігі бейініне сәйкес мамандықтар бойынша орта және жоғары кәсіптік білім беру ұйымдарында оқытылатындарға, сессия, дипломдық жобаларды дайындау және қорғау, оқу бітіру емтихандары кезеңіне;

бұл ретте, төлем жасау есебін оқу орнының тиісті құжатымен расталған оқу жоспарын орындау шартымен, жыл сайынғы еңбек демалысы сияқты тәртіппен, бірақ 20 еселенген айлық есептік көрсеткіштен аспайтын мөлшердегі орташа айлық еңбекақы сомасынан жүргізуге;

д) ата-анасының, жұбайының, балаларының, аға-інісінің, апа-сіңілісінің, қарындасының қайтыс болуына байланысты – 3 жұмыс күні;

е) неке қиюына байланысты – 3 жұмыс күні;

ж) баласының тууына немесе баланы асырап алуына байланысты – 1 жұмыс күні;

қосымша демалыстар ақы төленетін кезекті демалысқа кірмейді, есептеу және ақы төлеу жыл сайынғы демалыс кезіндегідей жүргізуге;

34) мыналарға байланысты:

а) қызметкердің ата-анасының, жұбайының, балаларының, туған ағасының және туған апасының қайтыс болуына байланысты Қоғам қызметкеріне – 55 айлық есептік көрсеткіштен кем емес мөлшерде;

б) Қоғамның «Илецк пайдалану локомотив депосы» филиалының қызметкерлеріне 18 500 (он сегіз мың бес жүз) рубль мөлшерінде;

(Материалдық көмек көрсетуге негіз болып табылатын өтінішке өлімі туралы куәліктің көшірмесі қоса берілуі тиіс).

в) баланың тууына, асырап алуға байланысты- екі еселенген ең төмен еңбекақы мөлшерінде (Қоғамның – «Илецк пайдалану локомотив депосы» филиалының қызметкерлеріне 7 070 (жеті мың жеті жүз) рубль), ал қызметкерде екі немесе одан көп бала туса әр балаға үш еселенген ең төмен еңбекақы мөлшерінде (Қоғамның – «Илецк пайдалану локомотив депосы» филиалының қызметкерлеріне 10 605 (он мың алты жүз бес) рубль) материалдық көмек көрсетуге;

(Материалдық көмек көрсетуге негіз болып табылатын өтінішке баланың тууы туралы куәлігінің көшірмесі қоса берілуі тиіс.

Егер материалдық көмек алуға құқығы бар отбасы мүшелерінің барлығы Қоғам қызметкері болып табылса, көмек олардың біреуіне көрсетіледі);

35) қызметкерге жазбаша өтініші негізінде Еңбек кодексінің нормаларына сәйкес еңбекақысы сақталмайтын демалыс беруге;

36) толық емес жұмыс күні режимін енгізген кезде демалысқа төлем жасау үшін (пайдаланылмаған демалысқа өтемақы төлеу үшін) орташа күндік (орташа сағаттық) еңбекақыны есептеуді нақты жұмыс істелген уақыт есебінен жүргізуге;

37) зейнеткерлік жасқа жетуіне 3 жыл және одан да кем уақыт қалған қызметкерлерге толық жұмыс күні (толық жұмыс аптасы) режимін сақтауға;

38) мектеп жасындағы баласы бар қызметкер қажетті құжаттарды (жұмыс орнынан анықтамалар, қызметкерің мектеп жасындағы балаларының жасын растайтын анықтамалар, мектептің орналасқан жерін және балалардың осы мектепте оқитынын растайтын мектептің анықтамаларын) тапсырған жағдайда қалалар мен ірі тораптық станцияларда орналасқан мектептерге, мектеп-интернаттарға бір оқушыға арналған оқу орнына барып келу үшін бір айлық есептік көрсеткіш (бұдан әрі - АЕК) (Қоғамның – «Илецк пайдалану локомотив депосы» филиалының қызметкерлеріне көлемі 200 (екі жүз) рубль) мөлшерінде оқу жылы кезеңінде ай сайынғы қосымша ақы төлеуге;

39) уақытша еңбекке жарамсыздығы бойынша жәрдемақыны заңнамаға сәйкес есептелген орташа еңбекақы есебінен төлеуге. (Бұл ретте поездар қозғалысымен байланысты қызметкерлерге тізбеге сәйкес (7, 8-қосымшалар) уақытша еңбекке жарамсыздығы бойынша айлық жәрдемақының мөлшері АЕК-нің отыз еселенген мөлшерінен артық болуы мүмкін емес, қалған қызметкелерге АЕК-нің жиырма бес еселенген мөлшерінен артық болуы мүмкін емес).

40) уақытша еңбекке жарамсыздығы бойынша:

1) уақытша еңбекке жарамсыздығы қылмыс жасаған кезде жарақат алу салдарынан болған қызметкерге, оның кінәлілігі заңды күшіне енген сот үкімімен бекітілген жағдайда;

2) қызметкер сот анықтамасының мәжбүрлеуі бойынша емделуде (жүйке ауруынан басқа) болған уақытына;

3) қызметкер тұтқында болған уақытына және сот-медициналық сараптама уақытына, оның кінәлілігі заңды күшіне енген үкім немесе сот қаулысымен бекітілген жағдайда;

4) уақытша еңбекке жарамсыздығы алкогольдік, есірткі және токсикологиялық заттарды пайдалану салдарынан болған қызметкерге;

5) қызметкердің уақытша еңбекке жарамсыздығы әрекеттегі заңнамаға сәйкес жұмыстан (лауазымынан) босатылған кезеңде болғанда;

6) кезекті және қосымша демалыстағы, уақытша еңбекке жарамсыз отбасы мүшесін күтуі бойынша төлемақысыз демалыстағы қызметкерлерге жәрдемақы төлемеуге;

41) №7 қосымшаға сәйкес Алматы қаласында орналасқан Қоғамның құрылымдық бөлімшелерінде жұмыс істейтін қызметкерлердің тарифтік ставкаларына (жалақыларына) 10 пайыздық үстемеақы;

№7 қосымшаға сәйкес Астана қаласында және Сороковая, ОП-39 (озу пунктінде) орналасқан Қоғамның құрылымдық бөлімшелерінде жұмыс істейтін қызметкерлердің тарифтік ставкаларына (жалақыларына) 20 пайыздық үстемеақы есептеуге міндеттенеді.
ІІІ бөлім.

Жұмыспен қамтамасыз ету, әлеуметтік қорғау,

босатылатын қызметкерлерді кәсіби даярлау

және қайта даярлау
14. Жұмыс беруші:

1) жұмысқа қабылдауды еңбек жағдайларымен, ішкі еңбек тәртібі ережелерімен және Шартпен міндетті түрде таныстыру арқылы қолданылып жүрген заңдарға сәйкес жүзеге асыруға;

жұмысқа қабылдаған кезде қызметкерлермен еңбек шарттарының олардың кәсібіне, біліктілігіне сәйкес жасалуын және еңбек жағдайлары өзгерген жағдайда оларға толықтырулардың енгізілуін қамтамасыз етуге;

жұмысқа қабылдаған кезде Толық материалдық жауапты болатын қызметкерлер лауазымдарының тізбесіне (9, 10-қосымшалар) сәйкес толық материалдық жауапкершілік туралы жазбаша шарттардың жасалуын көздеуге;

2) жұмысқа қабылдаған кезде қызметкерлермен еңбек шарттарын:

а) белгісіз мерзімге;

б) кем дегенде бір жылдық белгілі бір мерзімге жасасуға;

(Қызметкермен бұрын жасалған бір жылдан кем емес белгілі бір мерзімге жасалған еңбек шарты қайталанып жасалғанда, соның ішінде еңбек шартын ұзарту кезінде ол белгісіз мерзімге жасалған болып саналады.

Егер еңбек шартының қолданыс мерзімі аяқталғаннан кейін тараптардың ешқайсысы бір тәулік ішінде еңбек қатынастарын тоқтатуды талап етпесе, онда ол белгісіз мерзімге жасалған болып саналады.

Белгісіз мерзімге еңбек шарты жасалған қызметкерлерге көзделген кепілдіктер мен өтемақыларды беруден жалтару мақсатында белгіленген мерзімге еңбек шартын жасауға тыйым салынады:

в) уақытша жоқ қызметкердің орнын ауыстыру уақытына жасауға;

г) белгілі бір жұмысты орындау уақытына;

д) маусымдық жұмыстарды орындауға;

3) қызметкерлермен еңбек шарттарын жасасқан кезде:

а) еңбек жағдайларының сипаттамасын, жұмыс орнындағы зиянды және қауіпті факторлардың тізбесін;

б) сол жұмысты орындау үшін қажетті арнаулы киіммен, арнаулы аяқ киіммен, жеке қорғану құралдарымен, жуу заттарымен қамтамасыз ету нормаларын;

в) демалыстарды беру немесе пайдаланылмаған еңбек демалысы үшін өтемақы төлеу тәртібін;

г) материалдық және моральдық ынталандыру туралы ережелерді көздеуге;

д) Жұмыс берушінің актілеріне сәйкес жекелеген жұмысшы мамандықтары, мамандар мен қызметшілердің лауазымдары үшін мынадай жұмыс режимдерін қолдануға: үйде немесе объектідегі арнайы жабдықталған бөлмеде белгіленген сағаттар нормасы шегіндегі кезекшілік; жұмыстың икемді графигі, толық емес жұмыс күні);

4) қызметкерлер санын немесе қызметкерлер штатын қысқартқан кезде жеке еңбек шарттарын бірінші кезекте:

а) сынақ мерзімін өтеуші;

б) темір жол көлігі ұйымдарындағы жұмыс стажы ең аз;

в) қолданылу мерзімдері аяқталмаған тәртіптік жазалары бар;

г) осы мамандық бойынша тиісті білімі және жұмыс тәжірибесі жоқ қызметкерлермен бұзуға;

5) қызметкерлер санын немесе штатын қысқартқан кезде жұмыста қалдырудың артықшылық құқығын:

а) жалғыз асыраушы болып табылатын қызметкерлерге;

б) төрт және одан көп баласы бар көп балалы отбасылардың ата-аналарына;

в) темір жол көлігінде жұмыс істеген қызметкерлерге: ерлерге - кем дегенде 25 жыл, әйелдерге - кем дегенде 20 жыл;

г) «Құрметті теміржолшы» белгісімен марапатталғандарға

д) интернационалист – жауынгерлерге

е) жылына бестен кем емес рационализатолық ұсыныстарын енгізген жағдайда, көп жылдар бойы рационализаторлық қызметпен белсенді айналысып жүрген рационализаторларға беруге;

штат немесе қызметкерлер саны қысқарғанда,Қоғам қызметі тоқтатылған жағдайды қоспағанда бір отбасыдан екі адамды (ері, әйелі) жұмыстан босатылуына жол бермеуге;

6) Қоғамның құрылымдық бөлімшесі таратылған, штаттар немесе қызметкерлер саны қысқартылған кезде:

а) жеке еңбек шартын бұзғанға дейін кем дегенде бір ай бұрын қызметкерді алда болатын шартты бұзу туралы жазбаша ескертуге;

б) жұмыс бостылығы мәселелері жөніндегі уәкілетті органдарға штат немесе қызметкерлер саны қысқарылуына байланысты алда болатын қызметкерлердің жұмыстан босатылуы, соған ұшырауы мүмкін қызметкерлердің лауазымдары мен кәсіптері, мамандықтары, біліктіліктері және босатылатын қызметкерлердің еңбек төлеу мөлшері мен босатылуға қалған екі айдан кешіктірмей босатылу мерзімдері бар ақпараттарын тапсыруға;

в) қызметкерге өз бетімен жұмыс іздеуі үшін аптасына бір күн немесе әрбір жұмыс күнінің екі сағатын беруге;

г) еңбек заңнамасына сәйкес қызметкерге орташа айлық еңбекақысы мөлшерінде өтемақы және екі орташа айлық еңбекақы мөлшерінде қосымша өтемақы төлеуге, бұл ретте екі орташа айлық еңбекақы мөлшеріндегі (жұмыс іздеу кезіне сақталатын) қосымша өтемақыны темір жол көлігіндегі жұмыс стажы кем дегенде бес жыл болатын адамдарға, уәкілетті мемлекеттік жұмыспен қамту органдарында тіркелу (есепке тұру) туралы анықтаманы беру шартымен әрбір ай өткен соң, бір орташа айлық еңбекақы мөлшерінде төлеуге (бірінші және екінші айлар үшін);

станцияларда, разъездерде аталған уәкілетті органдар жоқ болғанда, филиал басшысына Қоғам басшылығының алдында елді мекенде бос жұмыс орнының болмауына байланысты қосымша өтемақылар төлеу туралы өтініш жасау құқығын беруге;

7) жеке еңбек шарттары Қазақстан Республикасының Еңбек кодексінің 54-бабы 1-тармағының 3), 6) – 13) және 16 тармақшаларында қарастырылған негіздер бойынша бұзылатын қызметкерлерден басқа Қоғамның филиалдарында темір жол көлігінде кем дегенде 20 жыл жұмыс істеген, жасы бойынша зейнеткерлік демалысқа шығу құқығының басталуына дейін үш жыл қалған қызметкерлерге жұмыс берілуіне кепілдік беруге;

8) жұмыс көлемі кеміген жағдайда, қызметкерлер саны бірінші кезекте:

кадрлардың табиғи кемуі және оларды қабылдауды уақытша шектеу;

өз қаржылары есебінен кадрларды қайта оқыту, қайта даярлау жөніндегі іс-шаралар;

кадрлардың бөлімшелер ішінде босаған жұмыс орындарына ауысуы;

қызметкерлерді уақытша және маусымдық жұмысқа пайдалану;

жұмыстан босатуға баламалы, уақытша шара ретінде толық емес жұмыс күнін қолдану;

ұйымның құрылымдық бөлімшелері ішінде орын ауыстыру, тұрғын үй беріп немесе оны жеңілдікпен сатып алуға жағдай жасап, қызметкерлер мен олардың отбасы мүшелерінің жол ақысын төлей отырып және Тараптардың келісімі бойынша басқа да жеңілдіктер беру арқылы жаңа жұмыс орнына көшу;

қызметкердің келісімі бойынша ауысу кезінен бастап үш ай бойына бұрынғы жұмыс орны бойынша орташа еңбекақысын сақтау арқылы басқа тұрақты, еңбекақысы төмен жұмысқа ауыстыру есебінен реттеуге;

9) қызметкерлер штаты ұлғайтылғанда, соңғы алты ай ішінде штаттың қысқартылуына байланысты жұмыстан босатылған қызметкерлерге бар вакансиялар туралы оларға жазбаша хабарлама жіберу арқылы хабарлауға (егер қызметкер жазбаша хабарламаны алғаннан кейін 10 күн ішінде Жұмыс берушіге жүгінбесе, ол жұмысқа орналасудың артықшылық құқығынан айырылады);

10) босатылатын қызметкерлердің тиісті қайта даярлануы арқылы бос жұмыс орындарына артықшылықпен орналастырылуын қамтамасыз ету керек. Қызметкерлердің қайта мамандануын (басқа кәсіптерге оқыту), оқу кезінде олардың орташа табысының 75 пайызын төлеу арқылы, Қоғамның қаражаты есебінен жүзеге асыруға;

11) кәсіподақтың мүшесі болып табылатын қызметкермен жеке еңбек шартын Қазақстан Республикасы Еңбек Кодексінің 54-бабы 1-тармағы 2), 3) тармақшаларында, сондай-ақ Қазақстан Республикасы Еңбек Кодексінің 59-бабы 1-тармағының 2) тармақшасында көзделген негіздер бойынша бұзу кәсіподақ органының Шарттың 11 қосымшасымен көзделген уәжді пікірін ескеріп жүргізуге;

12) Қоғамның құрылымдық бөлімшелерін тарату ниеті туралы тиісті кәсіподақ органдарын кем дегенде екі ай бұрын хабардар етілуі, бұл ретте Кәсіподақ өкілдері тиісті комиссиялар мен жұмыс топтарының құрамына кіргізуге;

13) әскери қызметке шақырылғанға дейін Қоғамда қызмет еткен қызметкердің, ол әскери қызметін өтегеннен кейін үш ай ағымында жасаған өтініш сәтіне бос жұмыс орны болған жағдайда Қоғамға қайта орналасу құқығын сақтап қалуға;

14) қызметкердің лауазымға немесе біліктілігі жетіспеушілігі салдарынан орындалатын жұмысқа сәйкес келмеушілігінен жұмыс берушінің бастамасымен еңбек шарты бұзылған жағдайда, құрамында қызметкердің өкілі болуы тиіс аттестациялық комиссияның шешімін негіздеуге; (Қызметкерлерді аттестаттаудың тәртібі, шарты және оны жүргізудің мерзімділігі Аттестаттауды жүргізу ережелерімен белгіленеді (12- қосымша);

15) мына жағдайларда қызметкерге:

медициналық қорытынды негізінде денсаулық жағдайына қарсы көрсетілген жұмысты орындауға еңбек шартын жасасқан жағдайларда еңбек шарты тоқтатылса - үш ай үшін орташа жалақы мөлшерінде;

әскері қызметке шақыртылуына байланысты еңбек шарты бұзылған кезде – бір ай үшін орташа жалақы мөлшерінде өтемақы төлемі жүргізуге;

16) қызметкерлердің саны немесе штат қысқарғанда жұмыс берушінің бастамасымен екі қабат әйелдермен, үш жасқа дейін баласы бар әйелдермен, он төрт жасқа дейінгі баланы (он сегіз жасқа дейінгі мүгедек баланы) асырап жатқан жалғызілікті аналармен, балалардың аталған категориясын анасыз тәрбилеп жатқан өзге тұлғалармен жеке еңбек шартының бұзылуына жол бермеуге міндеттенеді.

  1   2   3

Похожие:

«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» icon«Локомотив сервис орталығы» акционерлік қоғамы мен оның еңбек ұжымы арасындағы 2009-2011 жылдарға арналған Ұжымдық шарт бірге Тараптар деп аталатын, «Локомотив сервис орталығы»
Президенті (бұдан әрі – Жұмыс беруші) және «Қазақстан темір жолы» ұлттық компаниясы» акционерлік қоғамы қызметкерлерінің өкілі –...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» icon«Жолаушылар тасымалы» акционерлік қоғамы мен оның еңбек ұжымы арасындағы 2012-2014 жылдарға арналған Ұжымдық шарт «Жолаушылар тасымалы»
Жұмыс беруші) және «Жолаушылар тасымалы» акционерлік қоғамы қызметкерлерінің өкілі – «Қазақстан Республикасы теміржолшыларының кәсіподағы»...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconҚазақстан Республикасының Еңбек және халықты әлеуметтік
«Жолаушылар тасымалы» акционерлік қоғамы мен оның еңбек ұжымы арасындағы Ұжымдық шарт
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» icon«Цеснабанк» АҚ төлем карточкалары бойынша
«Клиент» деп аталатын негізгі төлем карточкасының иеленушісі Банк Клиенті жеке тұлға екінші тараптан, бірге «Тараптар» деп аталатындар...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconБорттық тамақтануға қызмет көрсетуге арналған № / шарт астана қ. 2010ж. «Астана халықаралық әуежайы»
«Астана халықаралық әуежайы» акционерлік қоғамы, бұдан әрі «Орындаушы» деп аталатын, Қазақстан Республикасының заңнамасы бойынша...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconБорттық тамақтануға қызмет көрсетуге арналған № / шарт астана қ. 2010ж. «Астана халықаралық әуежайы»
«Астана халықаралық әуежайы» акционерлік қоғамы, бұдан әрі «Орындаушы» деп аталатын, Қазақстан Республикасының заңнамасы бойынша...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconKazCard халықаралық төлем карточкасын беру туралы № шарт қ. ” ” 200 ж
Бір тараптан, № сенімхат негізінде әрекет ететін, бұдан әрі «Қоғам» деп аталатын «Қазпочта» акционерлік қоғамы атынан
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconОб итогах проведенных в филиалах ао «Локомотив» 10 июля в 12-00 часов
Акционерное общество «Локомотив» (далее – ао «Локомотив») объявляет об итогах проведенных в филиалах ао «Локомотив» 10 июля в 12-00...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconОб итогах проведенных в ао «Локомотив и филиале ао «Локомотив» 11 апреля в 12-00 часов государственных закупок оргтехники и комплектующих (далее – товары) способом запроса ценовых предложений
Акционерное общество «Локомотив» (далее – ао «Локомотив») объявляет об итогах проведенных в ао «Локомотив и филиале ао «Локомотив»...
«Локомотив» акционерлік қоғамы мен оның еңбек ұжымы арасындағы 2012 – 2014 жылдарға арналған Ұжымдық шарт бірге Тараптар деп аталатын, «Локомотив» iconБорттық тамақтануға қызмет көрсетуге арналған № / шарт астана қ. 2011ж. «Астана халықаралық әуежайы»
«Астана халықаралық әуежайы» акционерлік қоғамы, бұдан әрі «Орындаушы» деп аталатын, Қазақстан Республикасының заңнамасы бойынша...
Разместите кнопку на своём сайте:
kk.convdocs.org



База данных защищена авторским правом ©kk.convdocs.org 2012-2019
обратиться к администрации
kk.convdocs.org
Главная страница